Natiq Cəfərli
Zaqatalada bir xanım yaşayır. İnşaat mühəndisidir. Rayonda öz ixtisası üzrə iş tapmayıb məktəbdə riyaziyyat müəllimi işləyirdi. Kiçik biznes qurmaq qərarına gəlir, ailəsi ilə birlikdə arıçılıqla məşğul olmağa başlayır. Avropa İttifaqının dəstəyi ilə qrant layihəsi udur, arı ailəsi sayını 460 çatdırır. Xanımın biznesi genişlənir, artıq Bakıda və məmləkətin digər bölgələrində məhsulları satılmağa başlayır.
Belə insanlarımız iqtisadiyyatın onurğasını təşkil etməli, xanımların iş həyatında daha geniş təmsilçiliyi üçün şərait yaradılmalıdır.
Hökumət qrant məsələsinə, QHT sahəsinə ürkək və normal olmayan münasibətini dəyişməlidir. QHT qanunu dəyişdirilməlidir, bu sahənin 20-30 min iş yeri yaratmaq potensialı var. Avropa İttifaqı ilə yeni saziş imzalanmalıdlr, bu saziş kiçik və orta sahibkarlara daha çox qrant layihələrinə çıxış imkanı verəcək. Hökumətin mənasız və lüzumsuz ürkəkliyi bu məsələnin həllinə mane olur, anlaşılan yanaşma deyil, ölkənin inkişafını əngəlləyir.
Prezident özü də tez-tez ictimai nəzarətdən danışır – bu mexanizmin yaranması üçün mütləq yeni, sivil QHT qanununa ehtiyac var…
Müəllifin başqa yazıları:
