“Hakimiyyət bilməlidir ki…”
1992-1993-cü illərdə – Azərbaycan Xalq Cəbhəsinin hakimiyyəti vaxtı Gədəbəy Rayon İcra Hakimiyyətinin başçısı postunu tutmuş məhbus Saleh Rüstəmov noyabrın 6-dan aclıq aksiyası keçirir. O, həbsdə qanunsuz saxlandığını bildirir, azadlığa buraxılmasını istəyir. Noyabrın 8-də məhbus Bakıdakı 13 saylı Cəzaçəkmə Müəssisəsindən Penitensiar Xidmətin Müalicə Müəssisəsinə köçürülüb.
Saleh Rüstəmov Birinci Qarabağ müharibəsinin veteranıdır. 1992-ci ildə Gədəbəyin Başkənd kəndinin erməni işğalından azad edilməsi əməliyyatının rəhbərlərindən olub.
Novator.az-ın məlumatına görə, dekabrın 8-də özünün “Facebook” səhifəsində çağırış yayan AXCP sədri Əli Kərimli yazır ki, Bakının Nizami Rayon Məhkəməsi və ya Ali Məhkəmənin Plenumu istənilən vaxt Qarabağ qazisi Saleh Rüstəmovu azad edə bilər: “Bu qərarın verilməsi üçün müvafiq hüquqi əsaslandırmanı Saleh bəyin vəkilləri Bəhruz Bayramov və Aqil Layıc hazırlayıb məhkəmələrə təqdim ediblər. “Saleh Rüstəmovu azad etmək üçün hüquqi mexanizm yoxdur” fikrini ciddiyə almaq lazım deyil. Azərbaycan xalqının Saleh Rüstəmova azadlıq tələb edən kütləvi iradəsi də göz qabağındadır. Saleh Rüstəmova azadlıq çağırışlarını müxtəlif sosial şəbəkələrdə üst-üstə 100 minlərlə insan dəstəkləyib. Ölkənin ictimai-siyasi, mədəni elitasını təşkil edən yüzlərlə ictimai-siyasi xadimin, ziyalıların, şəhid analarının, Qarabağ qazilərinin saysız-hesabsız müraciətləri var.
Hakimiyyət bilsin ki, Saleh Rüstəmovun işgəncələrini uzatmaqla təkcə ona qarşı qəddarlıq, insafsızlıq etmir, həm də Saleh bəyə yekdilliklə azadlıq tələb edən topluma, cəmiyyətə hörmətsizlik edir. Cəmiyyət də bunu bilir və hakimiyyətdən narazılığı daha da artır. Hakimiyyət bilməlidir ki, Saleh bəyin işgəncəsini uzatdığı hər bir gün həm də özünün daha da hörmətdən düşdüyü gündür. Saleh Rüstəmovu dərhal azad edin”.
1997-ci ildən Rusiyada yaşayan Saleh Rüstəmov ticarət sahəsində fəaliyyət göstərib. 2018-ci il mayın 8-i Azərbaycanda tutulub, bir qrup şəxslə birgə qanunsuz sahibkarlıqda, pul vəsaitlərini qanunsuz leqallaşdırmaqda təqsirləndirilib. İttihama görə, Saleh Rüstəmov AXCP-ni qanunsuz maliyyələşdirib, tutulan digər şəxslər bu işdə ona yardımçı olublar.
2019-cu il fevralın 27-də Bakı Ağır Cinayətlər Məhkəməsi Saleh Rüstəmova 7 il 3 ay azadlıqdan məhrumetmə cəzası kəsib, ona və qohumlarına məxsus daşınmaz əmlakların müsadirə olunmasını hökm edib.
AXCP üzvü Aqil Məhərrəmov 4 il, Babək Həsənov 3 il azadlıqdan məhrumetmə cəzaları, Saleh Rüstəmovun qardaşı oğlu Vidadi Rüstəmli ilə Ruslan Nəsirov (o vaxt AXCP üzvü olub) 6 il 8 aylıq şərti cəzalar alıb.
2019-cu il sentyabrın 25-də Ali Məhkəmə həmçinin qanunsuz narkotik vasitə saxlamada ittiham olunan Saleh Rüstəmovun cəzasını 2 ay azaldıb.
2021-ci il martın 18-də Babək Həsənov prezident sərəncamı ilə əfv edilib.
Bir müddət əvvəl Saleh Rüstəmovun işindən Ali Məhkəmənin Plenumuna müraciət olunub.
Dekabrın 6-da isə vəkillər Aqil Layıc və Bəhruz Bayramov Bakının Nizami Rayon Məhkəməsinə müraciət təqdim ediblər. Müraciətdə Saleh Rüstəmovun böyrək çatışmazlığından və başqa xəstəliklərdən əziyyət çəkdiyi, aclıq aksiyası nəticəsində orqanizminin çox zəiflədiyi vurğulanır, səhhətinin nəzərə alınaraq həbsdən azad olunması istənir. Bu iş hakim Nəriman Mehdiyevin icraatına verilib, proses hələ təyin edilməyib.
Xəstəliyə görə cəza çəkməkdən azad edilmək Cinayət Məcəlləsinin 78-ci maddəsi ilə tənzimlənir. Həmin maddəyə əsasən, cinayət törətdikdən sonra cəzanın çəkilməsinə mane olan ağır xəstəliyə düçar olmuş şəxs məhkəmənin qərarı ilə cəza çəkməkdən azad edilə bilər.
Cəbhəçilərin həbs müddəti uzadılıb
Cəbhəçilərin istintaqı başa çatıb
Cəbhəçilərin məhkəməsi təyin olunub
Cəbhəçilərin məhkəməsi başladı
Cəbhəçilər özlərini təqsirli bilmədiklərini deyiblər
Cəbhəçi işgəncələrə məruz qaldığını deyir
Sabiq icra başçısı da işgəncələrdən danışıb
Cəbhəçilərin məhkəməsi: şahidlər dindirilib
Binanın içində məhkəmə, çölündə tutqu davam edir
Hakimlər Əli Kərimlinin dindirilməsinə razılaşmadı
Cəbhəçilərə cəzalar təklif olunub
Cəbhəçilərin işi: vəsatətlər təmin olunmayıb
Ali Məhkəmə AXCP işi üzrə qərar çıxardı
“Heç bir biznesim yoxdur və olmayıb”
Sabiq icra başçısı koronavirusa yoluxub?
Saleh Rüstəmov işində müsadirə raundu
Saleh Rüstəmovdan quru aclıq anonsu
Saleh Rüstəmovun səhhəti ağırlaşıb
Prezidentə Saleh Rüstəmov müraciəti
İctimai xadimlər Saleh Rüstəmova azadlıq istəyir
Əli Kərimli: “Hakimiyyəti inandırmalıyıq ki…”
“Özünüzü Saleh bəyin yerinə qoyun”
Saleh Rüstəmov aclığı dayandırmır
Prezidentə Saleh Rüstəmov müraciəti
Saleh Rüstəmov sudan da imtinaya hazırlaşır
Əli Kərimli: “Hakimiyyət heç nə itirməz”
Avropa Məhkəməsindən Saleh Rüstəmov sorğusu
Saleh Rüstəmov qərar ərəfəsində
Saleh Rüstəmov üçün azadlıq imkanı
Əli Kərimli: “Vaxt hamımızı sıxır”
Saleh Rüstəmov quru aclığa keçməməyə razılaşdı
Saleh Rüstəmovun azad olunması: hakim bilindi
