Bir icra başçısı…
Əli Kərimli
AXCP sədri
Bir icra hakimiyyəti başçısı düşünün ki, qardaşları savaşa könüllü getsin. Gününün çoxunu kabinetində deyil, döyüşən ordu ilə birlikdə, döyüş bölgəsində keçirsin. Torpaqlarımızın işğaldan azad edilməsində şəxsən iştirak etsin, hərbi qələbələrin həmmüəllifi olsun. Ordunun, əsgər və zabitlərin, onların ailələrinin ehtiyaclarının ödənməsini özünə ən vacib iş bilsin və rəhbəri olduğu rayonun bütün potensialını bu məqsədlə səfərbər etsin.
Ölkə boyu hər yerdən əsgər və zabitlərin, şəhid ailələrinin, qazilərin diqqətsizlikdən şikayət etdiyi hazırkı şəraitdə belə bir icra hakimiyyəti başçısı təsəvvür etmək çox çətindir. Ancaq bizim ölkəmizdə belə icra başçıları olub.
Əbülfəz Elçibəyin Gədəbəy Rayon İcra Hakimiyyətinə başçı təyin etdiyi Saleh Rüstəmli də məhz belə icra başçısı idi. Saleh bəy Birinci Qarabağ savaşının ən böyük uğurlarından olan Başkəndin azad edilməsi əməliyyatının rəhbərlərindən biridir. Saleh bəy icra başçısı işləyəndə iki qardaşı və əmisi oğlanları könüllü olaraq Qarabağ savaşına yollanıb. Saleh bəy hətta o vaxt Moskvada yaşayan bibisi oğlanlarını da savaşda iştiraka çağırıb, onlar da Saleh bəyin çağırışı ilə Azərbaycana gəlib, könüllü olaraq savaşa qoşulublar.
Elçibəy hakimiyyəti devrildikdən sonra Saleh bəy Moskvaya gedib. Orada sıfırdan başlayaraq, bankdan kredit götürərək özünə kiçik biznes qurub. Ancaq Azərbaycanda azadlıq və ədalət mübarizəsi aparan əqidə dostlarını da unutmayıb. Öz halal, qanuni (hətta Rusiya dövləti də məhkəməyə təqdim etdiyi sənədlərdə Saleh bəyin qazancının tam qanuni olduğunu təsdiqləmişdi) qazancından ayda 300 – 500 dollar Azərbaycanda siyasi məhbus olan əqidə dostlarına göndərirdi. Məhz buna görə də şərlənərək həbs olunub. Saleh bəy heç bir cinayət törətmədiyi halda 7 il 1 ay müddətinə azadlıqdan məhrum edilib. Haqsız cəzanın artıq 2 il yarımını çəkib.
İndi bildinizmi bu ölkənin necə vətənpərvər, əqidəli, xalqı üçün hər cür fədakarlıqlara hazır oğulları siyasi məhbus olaraq məhbəslərdə çürüdülür?
Saleh bəyin və digər əqidəli, mübariz insanların yeri həbsxana deyil. Saleh bəy və bütün siyasi məhbuslar azad edilməlidir. Siyasi məhbuslarsız Azərbaycan üçün xalq olaraq hamımız səsimizi ucaltmalıyıq.
Cəbhəçilərin həbs müddəti uzadılıb
Cəbhəçilərin istintaqı başa çatıb
Cəbhəçilərin məhkəməsi təyin olunub
Cəbhəçilərin məhkəməsi başladı
Cəbhəçilər özlərini təqsirli bilmədiklərini deyiblər
Cəbhəçi işgəncələrə məruz qaldığını deyir
Sabiq icra başçısı da işgəncələrdən danışıb
Cəbhəçilərin məhkəməsi: şahidlər dindirilib
Binanın içində məhkəmə, çölündə tutqu davam edir
Hakimlər Əli Kərimlinin dindirilməsinə razılaşmadı
Cəbhəçilərə cəzalar təklif olunub
