“Bir Fəsil” çıxır
“Bir Fəsil” adlı yeni ədəbi-bədii jurnalın ilk sayı çapa hazırdır.
Jurnalın təsisçisi “Bir Qələm” nəşriyyatıdır. Redaksiya heyətində Səbinə Hüseyn, Akşin Xəyal, Ümüd Abbas Nihani və Yasin Burjaliyev təmsil olunurlar.
Redaksiyadan Novator.az-a verilən məlumata görə, “Bir Fəsil” incəsənətə, ədəbiyyata və musiqiyə sövq etmək üçün dərc olunur.
Jurnal ayda bir dəfə çıxacaq.
“Bir Fəsil”in ilk sayında Pəri xanımın çəkdiyi Şah İsmayıl miniatürü, Nəsiminin bir qəzəlinin ümumi təhlili, həmçinin Ramiz Rövşən, Musa Yaqub, Ceylan Mumoğlu, Bahar Zamanı və Aysel Atəşin yazıları dərc olunacaq.
Tezliklə satışda olacaq jurnalı oxucular “Kitabevim.az” filiallarından və “Bir Qələm” nəşriyyatından (Mətbuat prospekti, 529, 9-cu mərtəbə, 317-ci otaq) əldə edə bilərlər.
