Sabiq başçıya təzyiq var?
Gədəbəy Rayon İcra Hakimiyyətinin keçmiş başçısı Saleh Rüstəmovun həbsdə təzyiqlərlə üzləşdiyi iddia olunur.
Saleh Rüstəmov Gədəbəy Rayon İcra Hakimiyyətinin başçısı vəzifəsində 1992-1993-cü illərdə – Xalq Cəbhəsinin hakimiyyəti vaxtı çalışıb. 1997-ci ildən Rusiyada yaşayıb. İş adamıdır.
2018-ci il mayın 8-də Saleh Rüstəmov Şəmkir yaxınlığında, qardaşı oğlu Vidadi Rüstəmli ilə birgə tutulub. Mayın 25-də AXCP üzvləri Aqil Məhərrəmov, Babək Həsənov və Ruslan Nəsirov da həbs ediliblər.
Tutulanlar əsasən qanunsuz sahibkarlıqda, pul vəsaitlərini qanunsuz leqallaşdırmaqda təqsirləndiriliblər. İttihama görə, Saleh Rüstəmov AXCP-ni qanunsuz maliyyələşdirib, tutulan digər şəxslər bu işdə ona yardımçı olublar.
2019-cu il fevralın 27-də Bakı Ağır Cinayətlər Məhkəməsi Saleh Rüstəmova 7 il 3 ay, Aqil Məhərrəmova 4 il, Babək Həsənova 3 il azadlıqdan məhrumetmə cəzaları kəsib, Vidadi Rüstəmli ilə Ruslan Nəsirovu isə 6 il 8 aylıq şərti cəzalarla azadlığa buraxıb.
Hökmdə Saleh Rüstəmovun qohumlarına məxsus daşınmaz əmlakların müsadirə olunması da yer alıb.
Bakı Apellyasiya Məhkəməsi 2019-cu il mayın 8-də hökmü qüvvədə saxlayıb.
2019-cu il sentyabrın 25-də Ali Məhkəmə həmçinin qanunsuz narkotik vasitə saxlamada ittiham olunan Saleh Rüstəmovun cəzasını 2 ay azaldıb.
2021-ci il martın 18-də Babək Həsənov prezident sərəncamı ilə əfv edilib.
Saleh Rüstəmov Bakıdakı 13 saylı Cəzaçəkmə Müəssisəsində saxlanır. Məhbusun qardaşı Taleh Rüstəmov martın 27-də “Amerikanın səsi” radiosuna deyib ki, dövlət başçısının martın 18-də imzaladığı əfv sərəncamından əvvəl Saleh Rüstəmovla bir neçə dəfə profilaktik söhbətlər aparılıb: “Əfv ərizəsi yazmaq təklif olunub. Təklifləri rədd edib. Bundan sonra ona qarşı təzyiqlər başlayıb. Onu indi ailə üzvləri barədə ifşaedici material yayacaqları ilə hədələyirlər”.
Martın 27-də qardaşı ilə telefonla danışdığını bildirən Taleh Rüstəmov qeyd edib ki, təzyiqlər dayanmasa, Saleh Rüstəmov aclıq aksiyasına başlayacaq”.
Cəbhəçilərin həbs müddəti uzadılıb
Cəbhəçilərin istintaqı başa çatıb
Cəbhəçilərin məhkəməsi təyin olunub
Cəbhəçilərin məhkəməsi başladı
Cəbhəçilər özlərini təqsirli bilmədiklərini deyiblər
Cəbhəçi işgəncələrə məruz qaldığını deyir
Sabiq icra başçısı da işgəncələrdən danışıb
Cəbhəçilərin məhkəməsi: şahidlər dindirilib
Binanın içində məhkəmə, çölündə tutqu davam edir
Hakimlər Əli Kərimlinin dindirilməsinə razılaşmadı
Cəbhəçilərə cəzalar təklif olunub
Cəbhəçilərin işi: vəsatətlər təmin olunmayıb
