![]({"full":{"0":"2021\/02\/yeni-kitablar.jpg","1":938,"2":535,"3":false,"file":"https:\/\/novator.az\/wp-content\/uploads\/2021\/02\/yeni-kitablar.jpg"}})
Yeni kitablar: “Qarabağa dönüş” poeması və “Ölən dünyam” romanı
- 16 Fevral 2021
- comments
- Novator.az
- Posted in Xəbər
“Qanun” Nəşrlər Evi xalq şairi Sabir Rüstəmxanlının “Qarabağa dönüş” poemasını və xalq yazıçısı İsmayıl Şıxlının “Ölən dünyam” romanını kitab şəklində çap edib.
Nəşriyyatın yaydığı məlumatda deyilir ki, xalq şairi Sabir Rüstəmxanlının “Qarabağa dönüş” poemasında 44 günlük Vətən müharibəsinin qəhrəmanlıq səhnələri ilə yanaşı, xalqımızın müstəqillik və bütövlük uğrunda mübarizəsi yüksək bədiiliklə tərənnüm edilib.
Kitabın satış qiyməti 5.49 manatdır.
Xalq yazıçısı İsmayıl Şıxlı “Ölən dünyam” tarixi romanını ölümündən beş ay qabaq tamamlaya bilib. Halbuki o, bu romanı yazmaq qərarına hələ çox əvvəllər gəlib, təəssüf ki, ideyasını sovet gerçəkliyində obyektiv səbəblər ucbatından reallaşdıra bilməyib.
Müəllifin ilk variantda “Qanlı təpə” adıyla qələmə almaq istədiyi bu əsər 1920-ci illərin mürəkkəb və ziddiyyətli həyatını əhatə etməli idi. Lakin mövcud olan qadağalar, arxiv sənədlərinin gizli saxlanması, o illərdə baş verən əsl həqiqət və ziddiyyətlərin meydana çıxarılıb açıq söylənilməsinə qoyulmuş yasaqlar nəticəsində tarixi dövrü olduğu kimi verməyin qeyri-mümkünlüyü səbəbindən müəllif nəzərdə tutduğu romanı yazmamağı qərara alıb.
İsmayıl Şıxlı bir də müstəqillik dövründə bu ideyasına qayıdıb, özgürlüyün verdiyi imkanlardan istifadə eləyərək xəstəliyi və gözünün zəifləməsinə baxmayaraq, doğmalarının fədakar yardımı sayəsində romanı yazmağa başlayıb və uğurla başa çatdırıb.
Kitabın satış qiyməti 6.99 manatdır.