Sabir Rüstəmxanlının imza günü olacaq
Noyabrın 24-ü saat 18:00-da “Qanun” Nəşrlər Evinin “Park Bulvar”da keçirilən kitab yarmarkasında Vətəndaş Həmrəyliyi Partiyasının sədri, xalq şairi Sabir Rüstəmxanlının yeni çapdan çıxmış “Astar” kitabının imza günü olacaq.
İmza günündə Sabir Rüstəmxanlının digər kitablarını da əldə etmək mümkündür.
“Astar” kitabında müəllifin iki kiçik həcmli romanı və hekayələri toplanıb. Bu əsərlərin əksəri çoxdan yazılsa da, oxuculara ilk dəfə təqdim edilir.
“Astar” adı kitabın ümumi ruhunu dəqiq ifadə edir: həm romanda, həm də hekayələrdə müəllifi öz ədəbi qəhrəmanlarının gizli yaşantıları, həyatın görünməyən, astar üzü daha çox maraqlandırır.
Kitab “Qanun” nəşriyyatında çapdan çıxıb.
