Qubad İbadoğlu: cinayət işi böyüyür
Türkiyədə tutularaq Azərbaycana gətirilən iqtisadçı alim Fazil Qasımov barəsində 3 ay 12 günlük həbs qətimkan tədbiri seçilib. Qərarı avqustun 8-də Nərimanov Rayon Məhkəməsi qəbul edib.
“Turan” məhbusun qardaşı Nazim Qasımova istinadla bildirir ki, Fazil Qasımov Bakıda Qafqaz Universitetini (1993-cü ildə türkiyəlilər yaradıb, 2016-cı ilin iyul ayında qapadılıb, 2017-ci ilin yanvarında ləğv olunub) bitirib, İstanbul Universitetində doktorantura təhsili alıb, “Palmali” Şirkətlər Qrupunda (azərbaycanlı iş adamı Mübariz Mənsimov 1990-cı illərin sonunda Türkiyədə yaradıb) çalışıb.
Fazil Qasımova mütəşəkkil dəstənin saxta xarici valyuta hazırlaması, əldə etməsi, satması ittihamı verilib. Həmin cinayət işi üzrə London İqtisadiyyat Məktəbinin professoru, Azərbaycan Demokratiya və Rifah Partiyasının sədri Qubad İbadoğlu həbsdədir. Bakı İstintaq Təcridxanasında saxlanan Qubad İbadoğlunu iyulun 23-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tutub. Məlumata görə, Türkiyədə terrorçu şəbəkə sayılan FETÖ-yə bağlı şəxslərə qarşı əməliyyat tədbirlərində tutulan Anar Əliyev Qubad İbadoğlunun ona dollar verdiyini iddia edib. Bakıda Qubad İbadoğlunun adına olan mənzildə axtarış zamanı bir hissəsi saxta olan 40 min dollar aşkarlandığı bildirilir. Qubad İbadoğlu Anar Əliyevi tanımadığını, mənzildən çıxan pulun ona məxsus olmadığını deyir.
İyulun 24-də Nərimanov Rayon Məhkəməsi Qubad İbadoğlu barəsində 3 ay 26 günlük həbs qətimkan tədbiri seçib.
Mütəşəkkil dəstənin saxta xarici valyuta hazırlaması, əldə etməsi, satması ittihamı 8 ildən 12 ilədək müddətə azadlıqdan məhrumetmə cəzası nəzərdə tutur.
Qubad İbadoğlu hansı maddə ilə şübhəli bilinir?
“Hakimiyyətdəkilər səhvən düşünə bilər ki…”
Qubad İbadoğlu: iddialar üzə çıxır
Qubad İbadoğlu 4 aylıq həbsə getdi
Qubad İbadoğlu: müdafiə komitəsi yaradıldı
Vəkil Qubad İbadoğlu ilə görüşə bilməyib
