Toplumun davranış məntiqi
Rövşən Ağayev
Tez-tez topluma yönəlmiş belə qınaq eşidirik ki, böyük korrupsiya faktlarına inanılmaz bir dözümlü yanaşma var. Baş nazirin birinci müavininin ailə üzvlərinə məxsus böyük məbləğdə vəsaitin xarici bankda dondurulması xəbərinə susqun münasibət fonunda bu qınaq yenə də gündəmə gəlib.
Qınaqların haqlı olmasına sözüm yoxdur. Amma cəmiyyətin korrupsiya faktları ilə bağlı sakit davranışı maraqlı məsələdir. Sosioloqların daha dəqiq qiymətləndirəcəyi bir fenomendir. Mənim çıxardığım nəticə budur: davamlı olaraq əzilən, amma əzənə haqq qazandıran, oğurluğa məruz qalan, lakin oğruya haqq qazandıran fərd (toplum) adil olmağı təsəvvürünə gətirə bilməz. Çünki onun heç ədalətin nə olduğu barədə təsəvvürü yoxdur.
Biz son 30 ildə ədalətin, azadlığın nə olduğuna bilən və onlar uğrunda mübarizə aparan yeni və yetkin bir nəslin yetişdirilməsi fürsətini əldən vermişik. Baxdığını görən, eşitdiyini duyan, oxuduğunu doğru-dürüst anlayan gənclər yetişdrimək gücündə olmayan təhsil sistemindən çıxan toplumun öncəlikləri də tamam fərqli olur. Öncəliyi yüksək və dayanıqlı rifah, səsi eşidilən və özünü idarə edən bir siyasi sistem, azad və ədalətli ölkə qurmaq olmayan cəmiyyətin ictimai yük daşıyan bütün ədalətsizliklərə və çatışmazlıqlara dözümlü münasibətinə təəccüblənmək lazım deyil…
Xüsusilə də 44 günlük müharibədən sonra Azərbaycan toplumunun gündəliyi təzədən formatlanıb. Cəmiyyətin öncəliklərinin ön sırasına dolanışıq və eşidilmək kimi vacib məsələlər çıxana qədər ən böyük korrupsiya faktlarına, siyasi həbs və təzyiqlərə susqun münasibət davam edəcək. Əgər biz cəmiyyətimizin prioritetlərini sıralasaq, ilk yerdə azad olunmuş torpaqlar və ərazi bütövlüyünün tap bərpası gəlir. Rifah, təhsil kimi məsələlər həmin yerə keçəndə əvvəlki siyasi aktivlik və baş verənlərə daha dözümsüz münasibət, eşidilmək, seçib-seçilmək tələbləri də bərpa olunacaq.
Müəllifin başqa yazıları:
İdxal azaldı: manat dinclik tapa bilərmi?
Büdcə: dəyişən nədir, dəyişməli olan nə?
Ucuz manat niyə ixraca yol açmır?
Zənginlərin pulunu necə saymalı?
Qalan 4 ayda manatı nə gözləyir?
Nazirin dedikləri və gerçəklik
Uşaq pulu təklifləri: çıxış yolu nədir?
Statistika islah edilməlidir. Kökündən
Böyük pullar kimlərin işinə yarayıb?
İslahat mübahisələri: gerçək islahatlar necə olur?
Artan maaşlar, dəyişən büdcə, cavabsız qalan suallar
İş yeri statistikasından doğan suallar
Avtomobil parkımız niyə köhnəlir?
Kotan-xış dövründə ilişib qalmaq
