Yazıçıların qurultayı seçim elədi
Oktyabrın 26-sı Bakıda, Azərbaycan Dövlət Akademik Milli Dram Teatrında Azərbaycan Yazıçılar Birliyinin (AYB) 13-cü qurultayı keçirilib. Novator.az bildirir ki, birliyə 1987-ci ildən rəhbərlik edən yazıçı Anar yenidən sədr seçilib.
Qurultay nümayəndələri bu qayda əsasında müəyyənləşib: sədr, birinci katib, sədrin müavini, katiblər; Ağsaqqallar Şurasının üzvləri (xalq şairləri, xalq yazıçıları, Milli Elmlər Akademiyasının həqiqi və müxbir üzvləri); İdarə Heyətinin üzvləri; Gənclər Şurasının üzvləri, seksiyaların və regional bölmələrin rəhbərləri; seksiyaların və yerli bölmələrin (o cümlədən Naxçıvan Yazıçılar Birliyinin) hər on nəfərindən biri.
AYB-nin əsası 1934-cü ildə qoyulub. Anardan əvvəl quruma Məmmədkazım Ələkbərli, Seyfulla Şamilov, Rəsul Rza, Süleyman Rəhimov (üç dəfə), Səməd Vurğun (iki dəfə), Mirzə İbrahimov (üç dəfə), Mehdi Hüseyn, İmran Qasımov, İsmayıl Şıxlı rəhbərlik ediblər.
AYB-nin inzibati binası Bakının Xaqani küçəsində yerləşir.
