Yeni nəşrlər
“Qanun” Nəşrlər Evinin çap etdiyi yeni kitablar haqda qısa məlumatları təqdim edirik.
Stefan Sveyq, “Fantastik gecə”
Stefan Sveyqin həyati süjet əsasında qurulmuş “Fantastik gecə” romanında cərəyan edən hadisələr, əsərin adından göründüyü kimi, demək olar, bir gecə ərzində baş verir.
Əsərin təsadüfən başqasının uduşuna sahib çıxan baş qəhrəmanı bütün gecə boyu mənəvi əzablarla üzləşərkən çıxış yolunu təsadüfən əldə etdiyi pullardan azad olmaqda görür. Yalnız səhərə yaxın buna nail olandan sonra daxili aləmində özünə yer alan mənəvi təlatümlərdən azad ola bilir.
Əsəri Vaqif Rəsuloğlu tərcümə edib.
Kitabın satış qiyməti 3.99 manatdır.
Erik-Emmanuel Şmitt, “Oskar və çəhrayı xanım”
Erik-Emmanuel Şmitt 1960-cı ildə Sent-Fua-le-Lionda doğulub. Hazırda dünyada ən çox oxunan fransız yazıçısı kimi şöhrət qazanıb. İnsan mənəviyyatının fundamental məqamları: ölüm, varlıq, din Şmitt yaradıcılığının ana xəttini təşkil edir.
Yazıçının dünya dinlərindən bəhs edən, dörd povestdən ibarət “Sirli silsilə”si istər ədəbiyyatşünaslar, istərsə də oxucular arasında böyük rezonans doğurub. Silsiləyə daxil olan əsərlər: “Milarepa” – buddizm, “Müsyö İbrahim və Quranın rəngləri” – sufizm və iudaizm, “Oskar və Çəhrayı xanım” – xristianlıq, “Nuhun övladları” – xristianlıq və iudaizm dinlərinin motivlərinə və onların dərkinə istinad edir.
Əsəri Etimad Başkeçid tərcümə edib.
Kitabın satış qiyməti 3.49 manatdır.
Qaraqan, “A” (psixoloji triller)
Tam xaos. Paranoya. Həyatdan bezmiş bir qrup gənc dünyanın xilasını onun məhvində görür. Müasir Bakı, cağdaş problemlər. “Biz dünyaya niyə gəlmişik?” Ən dərin fəlsəfi suallara ən sərt cavablar.
A kimdir? O nə etmək istəyir? Kontrkultura, alternativ düşüncə. Ən dəhşətli yanğınlar kiçik qığılcımdan başlayır.
Kitabın satış qiyməti 5.49 manatdır.
