Yaşayış yeri seçiminə dəstək missiyalı “Henley & Partners” şirkəti (İsveçrə) pasport reytinqi açıqlayıb. Novator.az bildirir ki, vizasız səfər imkanı meyarına əsaslanan reytinqə görə, Yaponiya pasportuna 191, Sinqapur pasportuna 190, Almaniya və Cənubi Koreya pasportlarına 189, Finlandiya, İtaliya, Lüksemburq, İspaniya pasportlarına 188, Avstriya və Danimarka pasportlarına 187 ölkədə yaşıl işıq var.

Azərbaycan pasportu 67 ölkədə vizasız işləyir.

Litva pasportu 181, Latviya pasportu 180, Estoniya pasportu 179, Ukrayna pasportu 129, Moldova pasportu 120, Rusiya pasportu 118, Gürcüstan pasportu 116, Türkiyə pasportu 111, Qazaxıstan pasportu 76, Belarus pasportu 75, Ermənistan və Qırğızıstan pasportları 63, Tacikistan pasportu 58, Özbəkistan pasportu 57, Türkmənistan pasportu 53, İran pasportu 41 ölkəyə vizasız giriş hüququ verir.

Siyahını tamamlayan Əfqanıstan pasportu ilə yalnız 26 ölkəyə vizasız girmək imkanı var.