“Cəhənnəmdən keçmiş mələk”: ikinci kitab çapdan çıxdı
“Cəhənnəmdən keçmiş mələk” romanının ikinci bölümü kitab şəklində nəşr olunub.
“Cəhənnəmdən keçmiş mələk” avtobioqrafik romandır, müəllifi Bircədir.
Birinci bölüm kimi ikinci bölüm də “Elm və təhsil” nəşriyyatında çapdan çıxıb.
İkinci kitabın ön söz yerində yazıçı-publisist Vahid Qazinin “Varis Diriye, Opra Uinfri və bizim Bircə” adlı məqaləsi yer alır.
İkinci bölümü kitab şəklində əldə etmək istəyənlər Kitabevim.az mağazalar şəbəkəsinə müraciət edə, yaxud 012 492 33 29 və 055 352 28 11 telefon nömrələri ilə sifariş verə bilərlər.
İkinci kitab 568 səhifə həcmindədir, satış qiyməti 10 manatdır.
“Cəhənnəmdən keçmiş mələk” romanının birinci bölümü kitab kimi 2017-ci ilin yayında işıq üzü görüb.
Romandan parçalar 2016-cı ilin noyabrından mediada dərc olunur. Romandan parçaların dərci Kulis.az-dan başlanıb, hazırda Novator.az-da davam etdirilir.
Əsərin redaktoru yazıçı Fəxri Uğurludur.
