Qəhvə ürəyə xeyirdir. Siqaret olmasa
- 04 Aprel 2018
- comments
- Səidə Hüseynova
- Posted in Xəbər
Gündə 3 fincan qəhvə arterial damarların kirəclənməsi riskini azaldır və bununla ürəyi qoruyur. Novator.az-ın məlumatına görə, braziliyalı alimlər tədqiqat apararaq bu qənaətə gəlib.
Tədqiqat zamanı San-Paulu şəhərinin 35-74 yaş arası 4 min 400 sakini arasında sorğu keçirilib. Respondentlərdən qəhvəni sevib-sevmədikləri və nə qədər tez-tez, habelə hansı formada içdikləri soruşulub. Onların təxminən 56 faizi gündə azı 2 fincan, 12 faizi 3 fincan və ya daha çox qəhvə içdiyini bəyan edib.
Alimlər sorğunun cavablarını qan dövranının kalsium indeksi ilə müqayisə edib. Kalsium indeksi arterial damarlarda infarkt riski yaradan kalsium maddəsinin toplanma göstəricisidir.
Analiz üzə çıxarıb ki, gündə 3 fincan qəhvə içmək heç vaxt siqaret çəkməyən insan üçün damarların kirəclənməsi riskini azaldır. Siqaretin bu prosesə məhdudiyyət yaratmasını alimlər belə izah edir: siqaretin orqanizmin bütün sistemlərinə zərərli təsiri qəhvənin ürəyə və damarlara müsbət təsirini heçə endirir.
Səidə Hüseynova