Şair Gəray Göyyurdun yubiley təqdimatı
Sentyabrın 5-də Gədəbəy rayonunun Aşıqlar Məktəbində şair Gəray Göyyurdun 60 illik yubileyi münasibətilə tədbir keçirilib.
Tədbirdə şairin Prezident, Ali Baş Komandan İlham Əliyevə həsr etdiyi “Zəfər sənin zəfərindi, Sayın Ali Baş Komandan” adlı yeni şeir kitabı da təqdim olunub.
Mədəniyyət Nazirliyinin Qazax-Tovuz Regional Mədəniyyət İdarəsinin və Gədəbəy rayon mədəniyyət müəssisələrinin təşkil etdiyi tədbirdə Gəray Göyyurd ordumuza, şəhidlərimizə, qazilərimizə, şanlı zəfərimizə, Qarabağda gedən quruculuq işlərinə, Türk-Azərbaycan dostluğuna, Prezident İlham Əliyevə həsr etdiyi şeirlərini və poemalarını rayon ictimaiyyətinə çatdırıb.
Tədbirdə aşıqlar şairin şeirlərini ifa ediblər. Gəray Göyyurdun “İki qardaş, iki Cümhurbaşqanı” şeiri aşıqların ifasında xüsusi coşğu ilə qarşılanıb.
Sonda şair yeni kitabını tədbir iştirakçılarına hədiyyə edib.
