Məhkəmə həbs müddətini uzatdı
Fevralın 15-də Nərimanov Rayon Məhkəməsi iqtisadçı alim, siyasətçi Qubad İbadoğlunun həbs müddətini daha 3 ay uzadıb. Qərar istintaq orqanının təqdimatı əsasında çıxarılıb.
Azərbaycan Demokratiya və Rifah (ADR) Partiyasının sədri olan Qubad İbadoğlunu 2023-cü il iyulun 23-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tutmuş, iyulun 24-də onun barəsində 3 ay 26 günlük həbs qətimkan tədbiri seçilmiş, noyabrın 16-da həbs müddəti 3 ay uzadılmışdı.
Bakı İstintaq Təcridxanasında saxlanan Qubad İbadoğlunun Türkiyədə terrorçu şəbəkə sayılan FETÖ ilə əlaqədə olduğu iddia edilir. İstintaq mütəşəkkil dəstənin saxta xarici valyuta hazırlaması, əldə etməsi, satması ittihamı ilə başlayıb, sonra işə dini ekstremist materialları hazırlama, saxlama və ya yayma ittihamı əlavə olunub.
1971-ci il təvəllüdlü Qubad İbadoğlu iqtisad elmləri namizədidir. Azərbaycan Dövlət İqtisad Universitetində, Budapeştdəki Mərkəzi Avropa Universitetində, ABŞ-ın Kanzas, Şimali Karolina, Dyuk, Prinston, Ratqers universitetlərində, London İqtisadiyyat Məktəbində elmi-pedaqoji fəaliyyətlə məşğul olub. “Ekonomiks” qəzetinə, “Ekspert” jurnalına baş redaktorluq, İqtisadi Tədqiqatlar Mərkəzinə rəhbərlik edib.
2015-ci ildən fəaliyyət göstərmiş Azərbaycan Demokratiya və Rifah Hərəkatının varisi olan ADR Partiyası 2021-ci ildə təsis edilib, ancaq dövlət qeydiyyatına alınmayıb.
Cinayət-Prosessual Məcəlləsinə görə, cinayət işinin məhkəməyədək icraatı zamanı təqsirləndirilən şəxsin həbsdə saxlanmasının son müddəti bir qayda olaraq bunlardan artıq ola bilməz: böyük ictimai təhlükə törətməyən cinayətlər üzrə – 3 ay; az ağır cinayətlər üzrə – 7 ay; ağır cinayətlər üzrə – 10 ay; xüsusilə ağır cinayətlər üzrə – 13 ay.
Məhkəməyədək icraat zamanı toplanmış materialların həcminin böyüklüyü və ya təqsirləndirilən şəxslərin sayının çoxluğu işin istintaqını gecikdirdiyi və başqa formada çətinlik yaratdığı müstəsna hallarda təqsirləndirilən şəxsin həbsdə saxlanmasının son müddəti az ağır və ağır cinayətlər üzrə 3 aydan, xüsusilə ağır cinayətlər üzrə 6 aydan artıq olmayan müddətə uzadıla bilər.
Qubad İbadoğlu hansı maddə ilə şübhəli bilinir?
“Hakimiyyətdəkilər səhvən düşünə bilər ki…”
Qubad İbadoğlu: iddialar üzə çıxır
Qubad İbadoğlu 4 aylıq həbsə getdi
Qubad İbadoğlu: müdafiə komitəsi yaradıldı
Vəkil Qubad İbadoğlu ilə görüşə bilməyib
Qubad İbadoğlu yenə həbsdə saxlandı
Qubad İbadoğlunun səhhəti pisləşir
Qubad İbadoğlu: cinayət işi böyüyür
Qubad İbadoğlu: kitab əngəli var
Qubad İbadoğlu: ilk görüşdən xəbər var
Anasının Qubad İbadoğluya məktubu
Avropa Məhkəməsindən Qubad İbadoğlu qərarı
