Ədəbiyyat üzrə Nobelin qalibi bəlli oldu
2023-cü ilin ədəbiyyat üzrə Nobel mükafatı norveçli Yun Fosseye verilib. Qalibin adını oktyabrın 5-də İsveçin paytaxtı Stokholmda Nobel Fondu açıqlayıb. Təltif Yun Fossenin dərin mətləblərə işıq salan novator ruhlu pyesləri və nəsr əsərləri ilə əsaslandırılıb.
1959-cu il təvəllüdlü Yun Fosse nasir, dramaturq, şairdir. Jurnalistika ilə məşğul olub, ədəbiyyat dərsi deyib.
Ədəbi aləmdə 1983-cü ildən tanınmağa başlayıb. Roman, povest, dramların, uşaq şeirlərinin müəllifidir.
Nobel mükafatı 1901-ci ildə təsis olunub. Hazırda mükafat daha 5 nominasiya üzrə verilir: fiziologiya və tibb; fizika; kimya; sülh; iqtisadiyyat.
