Qubad İbadoğlu: qərar icra olunmur
Bakı İstintaq Təcridxanasında saxlanan iqtisadçı alim, siyasətçi Qubad İbadoğlunun səhhəti pisdir. Məhbusun qardaşı Qalib Toğrul özünün “Facebook” səhifəsində yazır ki, sentyabrın 23-dən Qubad İbadoğluda başağrısı və halsızlıq yaranıb, ancaq o, hər hansı müayinədən keçirilmir: “Qardaşım özü aparatla şəkərini ölçüb, həm sentyabrın 23-də, həm də 24-də yeməkdən sonra şəkərin normadan çox yüksək olduğu bilinib.
Avropa İnsan Hüquqları Məhkəməsi sentyabrın 20-də Qubad İbadoğlu ilə bağlı qərar çıxarıb. Qərara görə, Azərbaycan dövləti Qubad İbadoğlunun xəstəxanaya köçürülməsi, müayinə və müalicəsi məsələlərini həll edib məhkəməni mütəmadi məlumatlandırmalıdır. Ancaq hakimiyyət orqanları, o cümlədən Ədliyyə Nazirliyinin Tibb Baş İdarəsi buna məhəl qoymur.
Bakı İstintaq Təcridxanasında göstərilən tibbi xidmətin səviyyəsi bərbaddan da aşağı səviyyədədir. Məsələn, ultrasəs müayinəsindən sonra bədəndəki geli silmək üçün salfet əvəzinə A:4 formatlı kağızdan istifadə olunur. Qan analizi götürən zaman gigiyenik normalara məhəl qoyulmur, analiz götürən şəxs əlcək taxmır, dezinfeksiya məhlulundan istifadə etmir. Məhbus qolunu kameranın qapısındakı nəfəslikdən bayıra uzadır, qan götürülür, tibbi bağdan istifadə olunmur”.
Novator.az bildirir ki, 1971-ci il təvəllüdlü Qubad İbadoğlu iqtisad elmləri namizədidir.
Azərbaycan Dövlət İqtisad Universitetində, Budapeştdəki Mərkəzi Avropa Universitetində, ABŞ-ın Kanzas, Şimali Karolina, Dyuk, Prinston, Ratqers universitetlərində, London İqtisadiyyat Məktəbində elmi-pedaqoji fəaliyyətlə məşğul olub.
“Ekonomiks” qəzetinə, “Ekspert” jurnalına baş redaktorluq, İqtisadi Tədqiqatlar Mərkəzinə rəhbərlik edib.
Azərbaycan Demokratiya və Rifah Partiyasının sədri olan Qubad İbadoğlunu 2023-cü il iyulun 23-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tutub. Onun Türkiyədə terrorçu şəbəkə sayılan FETÖ ilə əlaqədə olduğu iddia edilir. İstintaq mütəşəkkil dəstənin saxta xarici valyuta hazırlaması, əldə etməsi, satması ittihamı ilə başlayıb, avqustun 25-də işə dini ekstremist materialları hazırlama, saxlama və ya yayma ittihamı da əlavə olunub.
Qubad İbadoğlu hipertoniya, şah damarın genişlənməsi və şəkərli diabetdən əziyyət çəkir.
Qubad İbadoğlu hansı maddə ilə şübhəli bilinir?
“Hakimiyyətdəkilər səhvən düşünə bilər ki…”
Qubad İbadoğlu: iddialar üzə çıxır
Qubad İbadoğlu 4 aylıq həbsə getdi
Qubad İbadoğlu: müdafiə komitəsi yaradıldı
Vəkil Qubad İbadoğlu ilə görüşə bilməyib
Qubad İbadoğlu yenə həbsdə saxlandı
Qubad İbadoğlunun səhhəti pisləşir
Qubad İbadoğlu: cinayət işi böyüyür
Qubad İbadoğlu: kitab əngəli var
Qubad İbadoğlu: ilk görüşdən xəbər var
