Doğum 9,1 faiz azalıb, ölüm 12,5 faiz artıb
Azərbaycan əhalisinin sayı 2021-ci ilin əvvəlindən 0,2 faiz artaraq avqustun 1-nə 10 milyon 142 min 392 nəfərə çatıb. Novator.az-ın məlumatına görə, hesabatı yayan Dövlət Statistika Komitəsi bildirir ki, yanvar-iyul aylarında 64149 doğulan körpə qeydə alınıb, onların 53,2 faizi oğlan, 46,8 faizi qızdır.
Açıqlamaya əsasən, yeddi ayda 42134 ölüm halı, 30289 nikah, 9692 boşanma rəsmiləşib.
2020-ci ilin yanvar-iyul aylarına nəzərən doğumun 9,1 faiz azaldığı, ölüm hallarının 12,5 faiz, nikahın 48,6 faiz, boşanmanın 21,4 faiz artdığı vurğulanır.
