Ən çox qoyulan adlar
Novator.az 2021-ci ilin populyar adlarının siyahısına nəzər salıb. Ədliyyə Nazirliyinin təqdim etdiyi rəsmi statistikaya görə, qız adları içində Zəhra birincidir: 2021-ci ildə doğulan 42 qıza bu ad verilib.
Aylin adı 41, Nilay adı 37, Zeynəb adı 36, Məryəm adı 32 uşağa qoyulub.
İlk onluqda Fatimə, Nuray (hər iki adı 26 uşaq alıb), Mədinə, Mələk (hər ikisi 25), İnci (22) adları da var.
Oğlan adları arasında Əli (42 uşaq) önə çıxıb. Digər populyar adlar bunlardır:
Murad – 39 uşaq
Uğur – 38
Hüseyn – 35
Yusif – 35
Məhəmməd – 31
Ömər – 24
Tuncay – 22
Adəm – 21
Ayxan – 18.
