Tədris ocaqları açılır
Yanvarın 22-də Nazirlər Kabineti təhsil müəssisələri ilə bağlı yeni qərar verib. Novator.az-ın məlumatına görə, qərar fevralın 1-dən tədris və təlim-tərbiyə prosesinin əyani formada təşkilini nəzərdə tutur. Təhsil Nazirliyinə prosesi təhsil pillələri və səviyyələri üzrə mərhələli şəkildə təmin etmək tapşırılıb. Tabeliyində təhsil müəssisələri olan digər icra hakimiyyəti orqanları, dövlət mülkiyyətində olan və ya paylarının (səhmlərinin) nəzarət zərfi dövlətə məxsus olan hüquqi şəxslər və özəl təhsil müəssisələrinin təsisçiləri də eyni qərarlar qəbul edə bilər.
Azərbaycanda təhsil müəssisələri 2020-ci il martın 3-dən koronavirus infeksiyası üzündən qapadılıb. Həmin il sentyabrın 15-dən başlayaraq təhsil müəssisələrində tədris və təlim-tərbiyə prosesi mərhələlərlə əyani formaya qaytarılıb. Nazirlər Kabinetinin 29 oktyabr 2020-ci il qərarı ilə təhsil müəssisələrində tədris və təlim-tərbiyə prosesi distant (məsafədən) formaya keçirilib.
Təhsil müəssisələrində tədris və təlim-tərbiyə prosesinin təşkilinin müvəqqəti qaydalarına görə, əyani tədris və təlim-tərbiyəyə yaşı 65-dən aşağı olan təhsilverənlər cəlb olunurlar.
Təhsil müəssisələrində dərslər səhər saat 8-dən başlayaraq növbəli qaydada həyata keçirilməldir; ümumi təhsil müəssisələrində dərs (təlim) və dərsdənkənar (praktiki) məşğələ saatları məktəbəhazırlıq mərhələsində 30 dəqiqə, ibtidai və ümumi təhsil səviyyələrində 45 dəqiqə olmaqla müəyyən edilir; peşə təhsili müəssisələrində dərslərin davametmə müddəti 30 dəqiqədir.
Uşaq musiqi, incəsənət, rəssamlıq məktəb və mərkəzlərində dərslərin davametmə müddəti, eləcə də orta ixtisas və ali təhsil müəssisələrində bir akademik saatın davametmə müddəti 45 dəqiqədir. Akademik saatlararası fasilə olmadıqda dərsin müddəti 80 dəqiqə müəyyən edilir.
Dərslərarası (məşğələlərarası) fasilələr 10 dəqiqədən az olmamalıdır.
2019-cu ilin dekabr ayında Çində üzə çıxaraq dünyanı bürüyən koronavirus infeksiyasına Azərbaycanda ilk yoluxma 2020-ci il fevralın 28-də qeydə alınıb. Bu il yanvarın 22-dək 228246 yoluxma olub, 3053 nəfər xəstə vəfat edib.
Azərbaycanda xüsusi karantin rejimi qüvvədədir. Sərhədlər qapadılıb, dəfn mərasimləri istisna olmaqla yas mərasimləri, kütləvi tədbirlər, ad günləri, toy, nişan və bu kimi mərasimlər yasaqlanıb, başqa qadağalar qoyulub.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
Karantin uzadılır, yenə yasaqlar gəlir
İcazəni tək SMS-lə deyil, “E-Təbib”lə də almaq mümkün olacaq
Cərimə artımları qüvvəyə mindi
Karantin sərtləşir və genişlənir
Koronavirus dövründə mehmanxana: qaydalar təsdiqlənib
Tədris və təlim-tərbiyə: tarixlər yeniləndi
Xüsusi karantin rejiminin müddəti uzadıldı
Karantin qadağaları genişləndi
Koronavirus: yeni məhdudiyyətlər gəlir
Yenilənmiş karantin, xəstəlik statistikası
Məsafədən təhsil qərarı, istisnalar
2 şəhər və 8 rayonda sərt karantinə keçildi
Hökumət əlavə tədbirlərə qərar verdi
İctimai iaşə müəssisələrinə yeni tələb
Məsafədən təhsil rejimi uzandı
