2020-ci ilin yanvar-iyul aylarında Azərbaycanda doğum ötən ilin eyni dövrünə nəzərən 12,9 faiz, nikah 42,6 faiz, boşanma 17,6 faiz azalıb, ölüm halları 10,3 faiz artıb. Novator.az Dövlət Statistika Komitəsinə istinadla bildirir ki, 2019-cu ilin yeddi ayı ilə müqayisədə əhalinin təbii artımı (doğulanlar və daimi yaşamaq üçün gələnlərlə ölənlər və ölkəni tərk edənlərin nisbəti) üzrə 29,6 faiz geriləmə var.
Hesabata görə, Azərbaycan әhalisinin sayı avqustun 1-nə 10 milyon 100 min 622 nәfәrә çatıb: “Yanvar-iyul aylarında 70390 doğulan körpә qeydә alınıb, onların 53,3 faizi oğlan, 46,7 faizi qız uşaqlarıdır. Ölkәdә 37426 ölüm halı, 20611 nikah, 8285 boşanma rəsmiləşib, daimi yaşamaq üçün 947 nәfәr gәlәn, 397 nәfәr gedәn qeydә alınıb”.
