Prezident İlham Əliyev Veniamin Stepanoviç Mayorovu “Şöhrət” ordeni ilə təltif edib. Təltif Azərbaycan Respublikasının ictimai həyatında uzunmüddətli səmərəli fəaliyyətlə əsaslandırılıb.

Novator.az bildirir ki, Azərbaycan Rus İcmasının öncül nümayəndələrindən olan Veniamin Mayorov 1930-cu ildə Bakı şəhərində doğulub. İndiki Azərbaycan Dövlət Neft və Sənaye Universitetini dağ mühəndisi ixtisası ilə bitirib. Uzun illər Azərbaycanın neft sənayesində məsul vəzifələrdə çalışıb.

1961-ci ildən Partiya-Dövlət Nəzarəti Komitəsi (sonralar Xalq Nəzarəti Komitəsi) sədrinin müavini, 1969-cu ildən Bakı Şəhər Xalq Deputatları Sovetinin İcraiyyə Komitəsi sədrinin birinci müavini, 1980-1992-ci illərdə mənzil-kommunal təsərrüfatı naziri olub.

Prezident təqaüdçüsüdür.