Sentyabrın 9-u Bakıda məhbus siyasətçi Tofiq Yaqublunun azadlığa buraxılması tələbi ilə aksiya keçirilib.

Bir neçə gün qabaq Azad Sol İttifaqı (ASİ) Tofiq Yaqublunun həbsinə etiraz bildirmək üçün sentyabrın 9-u saat 15-ə Konstitusiya Məhkəməsinin binası önünə aksiya təyin etmişdi.

ASİ bir qrup gənc fəalın təşkilatıdır. Onun çağırşı ilə keçirilən asiyaya qoşulanların əksəri gənclər olub.

Polis əvvəlcədən Konstitusiya Məhkəməsinin binasına gedən yolları bağladığına görə aksiyaya bir qədər aralıda – Azərbaycan prospektinin Nizami Gəncəvinin heykəlinə yaxın hissəsində cəhd göstərilib. Şüar səsləndirən, hətta hadisə yerində jurnalistlərə açıqlama verərək Tofiq Yaqublunun həbsinə etirazını ifadə edən hər kəs tutularaq polis maşınlarına, avtobuslara oturdulub və ərazidən uzaqlaşdırılıb.

Eyni gündə bir qrup gənc Tofiq Yaqubluya hökmün oxunduğu Nizami Rayon Məhkəməsinin qarşısında da aksiya keçirib.

1961-ci il təvəllüdlü Tofiq Yaqublu Müsavat Partiyasının və Demokratik Qüvvələrin Milli Şurasının üzvüdür.

Siyasətçi bu il martın 22-də tutulub. İttihama əsasən, Tofiq Yaqublu həmin gün idarə etdiyi avtomobillə Bakının Nizami rayonunda qaydaları pozub, Elxan Cəbrayılovun idarə etdiyi avtomobillə toqquşub, mübahisə zəminində ona və yoldaşı Cəvahir Cəbrayılovaya xəsarət yetirib.

Məhbus siyasətçi ittihamı qəbul etmir, bildirir ki, Elxan Cəbrayılovun maşını əvvəldən həmin ərazidə dayanıb gözləyib, işarədən sonra qəfildən onun dayanmış avtomobilinə tərəf hərəkət edərək qəza törədib, sonra dava salıb. Onun sözlərinə görə, hadisənin təxribat olduğunu anladığı üçün maşınının qapısını kilidləyib, şüşəni qaldırıb və polis gəlməyənə kimi yerə düşməyib, heç kimi vurmayıb.

İbtidai istintaqı Nizami Rayon Polis İdarəsi aparıb.

Sentyabrın 3-də Nizami Rayon Məhkəməsində Tofiq Yaqubluya 4 il 3 ay müddətinə azadlıqdan məhrumetmə cəzası kəsilib. O, silah qismində istifadə olunan əşyalardan istifadə etməklə xuliqanlıqda təqsirli bilinib.

Tofiq Yaqubluya çıxarılmış hökmdən apellyasiya şikayəti verilib. Bakı Apellyasiya Məhkəməsinə ünvanlanan şikayətdə Tofiq Yaqubluya bəraət istənir, azadlığa buraxılması tələb edilir.

Bakının Şüvəlan qəsəbəsindəki 3 saylı İstintaq Təcridxanasında saxlanan Tofiq Yaqublu sentyabrın 2-dən aclıq aksiyası keçirir.

Sentyabrın 7-dən Müsavat Partiyasının Bakıdakı mərkəzi qərargahında Tofiq Yaqubluya dəstək aksiyası başlayıb. Müsavatçı Elman Quliyev, AXCP üzvləri Tofiq Məmmədov, Ayət İsmayıl və Elnur Həsənov aclıq edirlər.

Almaniyada yaşayan jurnalist, keçmiş siyasi məhbus Əfqan Muxtarlı və daha bir neçə fəal isə sentyabrın 7-dən Berlində, parlament binası yaxınlığında çadır quraraq Tofiq Yaqubluya dəstək aksiyası keçirirlər.

---

Tofiq Yaqublu yenə həbsə gedir

İttiham və həbs rəsmiləşdi

Rəsmi məlumat

Tofiq Yaqublunun məhkəməsi qapalı keçiriləcək

Proses təxirə düşdü

Tofiq Yaqublu həbsdə qaldı

Ev dustaqlığına da yox deyildi

Tofiq Yaqublu nədən narazıdır?

Məhkəmənin Tofiq qərarı dəyişməz qaldı

İstintaq ləngiyir

Həbs müddəti uzanır

Məhkəmə qərar verdi

Həbsin uzadılması: şikayət təmin olunmadı

İstintaq bitdi

Tofiq Yaqublu məhkəməni səbirsizliklə gözləyir

Tofiqin mühakiməsi “yox”larla başladı

Tofiq Yaqublu: “Mən əsir götürülmüş şəxsəm”

Tofiqin məhkəməsində

“Yalan danışıb qapını bağlayırsan, sonra da deyirsən…”

Tofiqin hakimə iradı

Tofiqin əsgər oğlunun problemi var

Vəsatətlərə baxılmır

Məhkəmədə əsəb gərginliyi

Tofiq canlı yayım istədi

İki vəsatət, mənfi cavablar

Tofiqdən son söz anonsu

Üç vəsatətdən biri təmin olundu

Tofiq Yaqubluya cəza təklifi

Hökm ərəfəsində: Tofiq aclığa başladı

Tofiqə hökm oxundu

Qarışqa yükü boyda

Bir ATA düşünün…

Hökmdən şikayət

Vəkil Tofiqdən xəbər gətirib

Tofiqə dəstək aksiyaları

Tofiq Yaqublu: “Sona qədər gedəcəm”