Nazirlər Kabineti yanında operativ qərargahın 7 iyul məlumatına görə, Azərbaycanda daha 537 nəfər koronavirus infeksiyasına yoluxub, 7 xəstə vəfat edib.
Yoluxanların ümumi sayı 21 min 374 nəfər göstərilir: onların 265-i dünyasını dəyişib, 8474-ü aktiv xəstədir.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyinə Azərbaycanda ilk yoluxma fevralın 28-də qeydə alınıb.
Martda 5 nəfər, apreldə 19 nəfər, mayda 39 nəfər, iyunda 150 nəfər, iyulda 52 nəfər xəstəliyin qurbanı olub.