Azərbaycanda daha 39 nəfər yeni koronavirus infeksiyasına yoluxub, 59 nəfər sağalaraq xəstəxanadan buraxılıb. Rəsmi məlumatı aprelin 28-də Nazirlər Kabineti yanında operativ qərargah yayıb.
Hesabata görə, ümumilikdə ölkədə 1717 nəfərin koronavirusa yoluxması müəyyən edilib, onların 1221-i müalicə olunaraq sağalıb, 22-si vəfat edib, 474-ü xüsusi rejimli xəstəxanalardadır.
2019-cu ilin dekabrında Çində üzə çıxan koronavirus xəstəliyi 210 ölkə və əraziyə yayılıb, 212 mindən çox adam ölüb.
Azərbaycanda infeksiyanı cilovlamaq məqsədilə xüsusi karantin rejimi tətbiq olunub: sərhədlər qapadılıb, təhsil ocaqları, mədəniyyət və idman obyektləri, ictimai iaşə müəssisələri, bir çox ticarət və məişət xidməti məkanı bağlanıb, toy və şənlik məclisləri, dəfn istisna olmaqla yas mərasimlərinin keçirilməsi yasaqlanıb, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyət qoyulub.
