Aleksandr Puşkin və Şota Rustavelinin əsərləri çap olunub
“Qanun” Nəşrlər Evi Aleksandr Puşkin və Şota Rustavelinin məşhur əsərlərini kitab şəklində çap edib.
Şota Rustaveli, “Pələng dərisi geymiş cəngavər”
Böyük gürcü şairi Şota Rustavelinin XII əsrdə qələmə aldığı “Pələng dərisi geymiş cəngavər” poemasının əsasını, tədqiqatçıların fikrincə, IX əsrdə yazılmış qədim bulqar, türk şairi Mikayıl Şəmsi Baştunun yazdığı “Şan qızı dastanı” təşkil edir. Uzun müddət əlyazma şəklində yayılan əsər ilk dəfə 1712-ci ildə gürcü çarı VI Vaxtanqın, sonra İ.Çavçavadzenin rəhbərliyi altında çalışan qabaqcıl yazıçı və alimlər komissiyasının təşəbbüsü ilə çap olunub, daha dəqiq elmi-tənqidi mətn 1937-ci ildə, poemanın yaradılmasının 750 illiyi münasibətilə hazırlanıb, 1951-ci ildə yenidən nəşr edilib.
Poemada hadisələr Gürcüstan ərazisindən uzaqlarda – Ərəbistan, Hindistan, Mülkizanzar, Qulanşaro və Qacetiyada baş verir. Qəhrəmanlar ərəblərdən, hindlilərdən və başqa xalqlardandır. Əsərdə zahirən heç bir milli və ərazi məhdudiyyəti yoxdur.
Kitabın satış qiyməti 9.99 manatdır.
Əsəri nəşrə Nəriman Əbdülrəhmanlı
hazırlayıb.
Aleksand
Puşkin, “Qafqaz əsiri”
Aleksandr Puşkin öz üsyankar şeirlərinə görə Cənuba sürgün ediləndən sonra məşhur “Cənub poemaları”nı yazıb. Bu silsilədən olan poemaların birincisi “Qafqaz əsiri”dir. Əsər şairin sürgün illərində öz yaşadıqlarının bədii təsviridir.
Əsəri Eyvaz Borçalı tərcümə edib.
Kitabın satış qiyməti 3.99 manatdır.
