“Vecinə almamağın incə sənəti” və “Pul axını kvadrantı”
“Qanun” Nəşrlər Evinin çap etdiyi kitablar haqda qısa məlumatları oxucuların diqqətinə çatdırırıq.
Mark Manson, “Vecinə almamağın incə sənəti” (Yaxşı həyat yaşamaq üçün məntiqə zidd yanaşma)
Mark Manson amerikalı özünüinkişaf yazarı və məşhur bloqçudur. O, MarkManson.net saytının yaradıcısı və iki kitab müəllifidir.
“Vecinə almamağın incə sənəti” adlı ikinci kitabı 2016-cı ildə işıq üzü görüb. Kitabda öz həyat təcrübələrinə əsaslanaraq insanlara daha xoşbəxt bir həyata çatmağın yollarını izah edir. “Vecinə almamağın incə sənəti” Amerikada ən çox satılan kitablar siyahısındadır.
Kitabı Lalə İsmayılova tərcümə edib.
Kitabın satış qiyməti 11.99 manatdır.
Robert T. Kiyosaki, Şaron Leçter, “Pul axını kvadrantı” (Varlı atanın maliyyə bələdçisi)
Bu kitab maliyyə bilikləri haqqındadır. İmkanlı adamlar bir çox illər bundan əvvəl bir sıra əsas prinsipləri mənimsəyiblər ki, bu da onların azad və müstəqil həyat tərzi sürməyini təmin edir, başqaları isə həmin vaxt əziyyət çəkir, bazar tələblərinə uyğunlaşmağa səy göstərirlər.
Bu kitabdan sizin pula yox, pulun sizə xidmət etməsinə necə nail olmağı öyrənəcəksiniz və bu, maliyyə vəziyyətinizi tənzimləməkdə sizə kömək edəcək.
Kitab təkrar nəşr olunur.
Kitabın satış qiyməti 9.99 manatdır.
