Düşündürən nağıllar və Molli Munun macəraları
“Qanun” Nəşrlər Evində çapdan çıxmış yeni kitablar haqda qısa məlumatları təqdim edirik.
Lia Şalvaşvili, “Düşündürən nağıllar”
Bu kitabda toplanan nağıllar uşaqların inkişafında xüsusi təsir gücünə malik olmaqla yanaşı, xeyirxahlığı, yardımı, xoş əhval-ruhiyyə yaratmağın əhəmiyyətini təlqin edir.
Kitabın əsas məqsədlərindən biri isə uşaqlarda təbiətə sevgi hissinin oyanmasına və inkişafına təsir göstərməkdir.
Uşaqlar Andriyanın, Anastasiyanın və digər nağıl qəhrəmanlarının şən söhbətlərini izlədikcə, dünya ilə daha yaxından tanış olacaqlar.
Nağıllar aydın dillə, maraqlı illüstrasiyalarla balaca oxuculara təqdim edilir.
Kitabın satış qiyməti 6.99 manatdır.
Corciya Binq, “Molli Munun hipnotik zaman səyahəti macərası”
Birnəfəsə oxuyacağınız bu kitab sizi Mollinin hipnotizm dünyasına aparacaq.
Seriyanın ikinci kitabı olan bu əsərdə Molli dünyanı onurmaq bacarığını kəşf edir. Dostu Rokki və sevimli iti Petula ilə birgə yeni macəralara qucaq açır.
Molli ata-anasının kimliyini öyrənir. Onu bu qədər vaxtı valideynlərindən ayıran qəddar Korneliusla mübarizə aparır.
Əsəri Sevil Gültən tərcümə edib.
Kitabın satış qiyməti 9.99 manatdır.
Corciya Binq, “Molli Mun dünyanı dondurur”
Molli Munun macəraları davam edir…
Yetimxanada yaşayan yetim qız Molli Mun bu kitabda artıq özünün daha bir yeni bacarığını kəşf edir: zaman səyahəti.
Burada Molli sevimli Petulası, dostu Rokki ilə birlikdə Hindistanda qəddar Vaqtla mübarizə aparır.
Eybəcər və zalım Vaqt yazıq qızı sevimli mopsundan, dostlarından ayırır.
Amma balaca Molli yenə də ağlı və cəsarəti sayəsində həm sevdiklərinin, həm də özünün həyatını xilas edir. Bəs o buna necə nail olur?
Əsəri Sevil Gültən tərcümə edib.
Kitabın satış qiyməti 9.99 manatdır.
