Çində koronavirus epidemiyasından ölənlərin sayı 563 nəfərə çatıb. Novator.az-ın məlumatına görə, ölkənin Gigiyena və Səhiyyə Məsələləri Komitəsi fevralın 6-da belə hesabat yayıb.

Pnevmoniyanın bir növü olan, 2019-cu ilin dekabr ayında aşkarlanmış xəstəliyə yoluxanların sayının 28 min nəfəri keçdiyi vurğulanır.

Xəstəliyə Çinlə yanaşı Sinqapur, Vyetnam, Kamboca, Yaponiya, Cənubi Koreya, Tailand, Filippin, Malayziya, Avstraliya, BƏƏ, Hindistan, Nepal, Şri-Lanka, Rusiya, Almaniya, Fransa, İtaliya, İspaniya, Belçika, Finlandiya, İsveç, Böyük Britaniya, ABŞ və Kanadada yoluxanlar var.

Filippində 1 nəfərin öldüyü açıqlanıb.