Əmək və Əhalinin Sosial Müdafiəsi Nazirliyi Bakının Qaradağ rayonunda və Abşeron rayonunun Məmmədli kəndində yeni yaşayış binalarından alınmış 36 mənzili şəhid ailələrinə və ölkənin ərazi bütövlüyünün, müstəqilliyinin, konstitusiya quruluşunun müdafiəsi ilə əlaqədar əlilliyi olan vətəndaşlara təqdim edib. Rəsmi xəbər dekabrın 26-da yayılıb.

Hesabata görə, bu kateqoriyadan olan vətəndaşlara 2019-cu ildə 934 mənzil və fərdi ev nəzərdə tutulub, onların böyük əksəriyyəti verilib. Ümumilikdə şəhid ailələri və müharibə əlilləri nazirlikdən 7400-ə yaxın mənzil və fərdi ev alıb.