Ramiz Rövşənin şeirlərinə bəstələnən mahnılar oxunacaq
Dekabrın 18-də Heydər Əliyev Sarayında xalq artisti Nəzakət Teymurova və əməkdar artist Ehtiram Hüseynovun iştirakı ilə “Qəfil gün doğsa bir gecə” adlı konsert proqramı keçiriləcək.
Konsertdə xalq şairi Ramiz Rövşənin şeirlərinə bəstələnən mahnılar və muğam parçaları səsləndiriləcək.
Konsertin musiqi tərtibatı “Hicaz” qrupuna məxsusdur.
Biletləri Heydər Əliyev Sarayının kassasından, şəhərin kassalarından, “ASAN xidmət” mərkəzlərindən, “Gənclik” və “28 Mall” ticarət mərkəzlərindəki kassalardan və ya onlayn qaydada www.iticket.az saytından əldə etmək olar.
