“Təsir et! Liderliyin 7 şərti”; “Terreo gəmisinin sirri”
“Qanun” Nəşrlər Evinin çap etdiyi yeni kitabları oxucuların diqqətinə çatdırırıq.
İshak Pintoseviç
“Təsir et! Liderliyin 7 şərti”
İshak Pintoseviç insanlara uğur qazanmağın sirlərini öyrədir. Şəxsiyyətin İnkişafı üzrə Beynəlxalq Professionallar Assosiasiyasının reytinqində ikinci yeri tutur, populyarlığına görə postsovet məkanında birincidir.
Özünün “liderlə iş” təcrübəsindən də bəhs etdiyi bu kitab-treninqdə Pintoseviç liderliklə bağlı son 100 ilin ən yaxşı kitablarından topladığı ən güclü təsir alətləri və strategiyalar haqqında məlumat verir.
Onun müştəriləri arasında “Procter & Gamble”, “Deloitte”, “Danone”, “Leo Burnett”, “PSB-Films”, “MasterCard”, “Mary Kay” kimi dünyaca məşhur şirkətlər, o cümlədən siyasətçilər, biznesmenlər, şou-biznesin məşhur nümayəndələri də var.
Kitabın satış qiyməti: 9.99 AZN
Anar İsmayıl
“Terreo gəmisinin sirri” (Tarixi detektiv roman)
Romanda Səfəvi hökmdarı İkinci Şah Abbasın hakimiyyət illərində divanxana katibliyindən Mirzə İman Zülqədər və şah qulamı Barsoğlu Yunisin İstanbula (Konstantiniyyəyə) gedən elçi heyətinin tərkibində səfərə qoşulması və başlarına gələn hadisələrdən bəhs edilir.
Mirzə İman hələ İsfahanda olarkən latın dilində kitablarla maraqlanır və səfarətin tərkibinə daxil edilməsi ilə Osmanlı paytaxtından bu kitabları əldə edəcəyini ümid edir. Elçi heyəti İstanbula çatır, hörmətlə qarşılanıb yerləşdirilir. Mirzə İman əsas niyyətinə çatmaq üçün latın dilində kitablar almağa çalışır. Ancaq buna nail ola bilmir və başqa bir şəhərdən bu kitabları əldə etmək üçün dəniz quldurlarına qoşulmağa məcbur olur.
Dostu və səfər yoldaşı Barsoğlu da onu tək qoymur. Beləliklə, əsas hadisələr də başlayır. İki dost anidən sirli cinayətlər, düşmən gəmilərinin təqibi və onlara dostca davranmayan dəniz quldurlarının arasında müəmmalı hadisələri araşdırmağa başlamalı olur. Yeganə çıxış yolları isə tez bir zamanda qatili tapmaqdır. Əks halda onları əsarət və ölüm gözləyir.
Kitabın satış qiyməti: 5.99 AZN
