“Fəlsəfənin təsəllisi” və “Haradasan?”
“Qanun” Nəşrlər Evində “Fəlsəfənin təsəllisi” və “Haradasan?” kitabları çap olunub. “Haradasan?” təkrar nəşr edilib.
Alen de Botton
“Fəlsəfənin təsəllisi”
1969-cu ildə doğulmuş isveçrəli yazıçı və filosof Alen de Botton çağdaş dünyamızda əsərləri ən çox oxunan müəlliflərdən biri sayılır. Onun “Sevgi təcrübələri”, “Səyahət etmək sənəti”, “İntim həyatın detalları”, “Hitrou aeroportunda bir həftə”, “Ateistlər üçün din” və başqa kitabları dünyanın otuzdan artıq dilinə çevrilib, böyük maraqla qarşılanıb.
Alen de Bottonun Londonda yaratdığı “Həyat məktəbi” adlanan xalq universiteti layihəsi də onun uğurlu işləri sırasındadır. Yazıçı çoxsaylı əsərlərində və mühazirələrində insanlara həyatı mənalı və maraqlı qurub-yaşamağı öyrətməyə çalışır.
“Fəlsəfənin təsəllisi” kitabında yazıçı-filosof dünya fəlsəfəsinin parlaq simalarından olan Sokratın, Mişel de Montenin, Senekanın, Şopenhauerin və Nitsşenin fəlsəfi təlimlərinin insan həyatına gətirə biləcəyi müsbət təsirlərini açıqlayır, müxtəlif həyati situasiyalarda bədbinliyə qapılmış insanların bu filosofların müdrikliyindən necə yararlana biləcəyini aydınlaşdırır.
Əsəri Araz Gündüz tərcümə edib.
Kitabın satış qiyməti: 9.99 AZN
Mark Levi
“Haradasan?”
Gənc cütlük Suzan və Filipp bir-birini ömürlük sevməyə söz verirlər. Ancaq tale tezliklə onları bir-birindən ayırır. Suzan güclü uraqanların baş verdiyi Mərkəzi Amerikaya yola düşür. Filipp isə Manhettendə qalır.
Nyuark aeroportundakı cəmi bir neçə görüş istisna olmaqla, uzun illər bir-biriylə yalnız məktub vasitəsilə əlaqə saxlayırlar. Filipp başına bir iş gələcəyi təqdirdə daim onun yanında olacağı barədə Suzana söz verir. Ancaq inanmazdı ki, bu söz nə vaxtsa onun həyatını tamamilə dəyişər və o, tanımadığı birinə qucaq açar…
Kitabın satış qiyməti: 6.40 AZN
