Makronun xahişi
Prezidentin mətbuat xidmətinin məlumatına görə, oktyabrın 10-da Fransa prezidenti Emmanuel Makron dövlət başçısı İlham Əliyevə zəng edib.
Telefon söhbətində Fransa prezidenti onun təşəbbüsü ilə yaradılan quruma – QİÇS, Vərəm və Malyariya ilə Mübarizə üzrə Qlobal Fonda Azərbaycanın dəstək verməsini xahiş edib. İlham Əliyev Fransa prezidentinin təşəbbüsünə öz dəstəyini ifadə edib və Azərbaycanın bu xəstəliklərlə mübarizə işinə əhəmiyyətli töhfə verməyə hazır olduğunu bildirib.
Fondun bu günlərdə Lionda keçiriləcək konfransında Azərbaycanın dəstəyi vurğulanacaq.
Telefon söhbəti zamanı dövlət başçıları ikitərəfli münasibətlərin inkişafına və prezidentlər arasında gələcək təmaslarla bağlı məsələlərə də toxunublar.
