Oktyabrın 13-ü Bakıda, 7-ci mikrorayondakı “Büllur” sarayında Müsavat Partiyasının 9-cu qurultayı keçiriləcək. Qurultayda partiya başqanı, Məclisin sərbəst üzvləri və Mərkəzi Nəzarət-Təftiş Komissiyası seçilməlidir.
Başqan postuna partiyanın indiki lideri Arif Hacılı və Divan üzvləri Tofiq Yaqublu ilə Yadigar Sadıqov namizəddir.
9-cu qurultaya hazırlıq komitəsinin sədri, partiya başqanının müavini Gülağa Aslanlı Novator.az-a deyib ki, oktyabrın 10-da namizədlərin irəli sürülməsi başa çatıb, Məclis üzvlüyünə 117, Mərkəzi Nəzarət-Təftiş Komissiyası üzvlüyünə 10 nəfərin namizədliyi qeydə alınıb.
Gülağa Aslanlının sözlərinə görə, qurultaya partiyanın 60 rayon təşkilatından 390 nümayəndə seçilib.
1911-ci ildə yaradılan Müsavat Partiyasının ilk başqanı Məhəmməd Əmin Rəsulzadə, ikinci başqanı Mirzə Bala Məmmədzadə, üçüncü başqanı Kərim Odər, dördüncü başqanı Məhəmməd Azər Aran, beşinci başqanı İsa Qəmbərdir.
2014-cü ildə keçirilən 8-ci qurultaydan bəri partiyaya Arif Hacılı başqanlıq edir.
Müsavatın qurultay günü bilindi
Tofiq Yaqublu başqan olmaq istəyir
Yadigar Sadıqov: “Mənim başqan seçilməyim…”
İsa Qəmbər namizədlik haqda nə düşündüyünü açıqladı
Arif Hacılı iki yeri nişan verir
6-cı başqan ikinci müddətə gedir
Müsavat cavab gözləyir. Yeni təklifi də var
Müsavatın qurultay üçün yer müraciətinə cavab verildi
Arif Hacılı tələb edir, İsa Qəmbər xatırladır
Yadigar Sadıqov İsa Qəmbərin açıqlamasına münasibət bildirdi
