Əmək və Əhalinin Sosial Müdafiəsi Nazirliyinin hesabatına görə, Azərbaycanda 1 milyon 350 min 680 nəfər pensiyaçı var, onların 57 faizi qadınlar, 43 faizi kişilərdir.

Yaşa görə pensiya alanların 492 min 315 nəfərinin qadınlar, 262 min 497 nəfərinin kişilər; əlilliyə görə pensiya alanların 172 min 308 nəfərinin qadınlar, 202 min 697 nəfərinin kişilər; ailə başçısını itirməyə görə pensiya alanların 98 min 637 nəfərinin qadınlar, 122 min 226 nəfərinin kişilər olduğu bildirilir.

Oktyabrın 1-dən Azərbaycanda əmək pensiyasının minimum məbləği 200 manatdır. Novator.az bildirir ki, Dövlət Sosial Müdafiə Fondu 2019-cu il iyulun 1-nə aylıq pensiyaların orta məbləğini 232,3 manat göstərib.