Oktyabrın 8-də baş nazir təyin olunan Əli Əsədov hazırda yüksək dövlət vəzifəsi tutan 6-cı Əlidir.
Novator.az bildirir ki, Nazirlər Kabinetinin rəhbərliyində Əli Əsədovun iki adaşı var – baş nazirin müavinləri Əli Əhmədov və Əli Həsənov.
Prezidentin ictimai-siyasi məsələlər üzrə köməkçisi-şöbə müdiri Əli Həsənov, Dövlət Təhlükəsizliyi Xidmətinin rəisi Əli Nağıyev, Milli Məclisin hüquq siyasəti və dövlət quruculuğu komitəsinin sədri Əli Hüseynlidir.
Parlament sədri Oqtay Əsədova hökumətdən bir nəfər adaşdır – səhiyyə naziri Oqtay Şirəliyev.
Prezidentin işlər müdiri də Oqtaydır – Oqtay Şahbazov.
Digər adaş idarəçilər bunlardır:
Diasporla İş üzrə Dövlət Komitəsinin sədri Fuad Muradov, Dövlət Turizm Agentliyinin sədri Fuad Nağıyev; prezidentin hüquq mühafizə orqanları ilə iş və hərbi məsələlər üzrə köməkçisi-şöbə müdiri Fuad Ələsgərov;
Prezident Administrasiyasının rəhbəri Ramiz Mehdiyev və Ali Məhkəmənin sədri Ramiz Rzayev;
baş prokuror Zakir Qaralov və müdafiə naziri Zakir Həsənov;
maliyyə naziri Samir Şərifov və Dövlət Şəhərsalma və Arxitektura Komitəsinin sədri Samir Nuriyev;
iqtisadiyyat naziri Şahin Mustafayev və Prezident Administrasiyasının qanunvericilik və hüquq ekspertizası məsələləri şöbəsinin müdiri Şahin Əliyev;
prezidentin aqrar siyasət məsələləri üzrə köməkçisi-şöbə müdiri Azər Əmiraslanov və prezidentin mətbuat katibi Azər Qasımov;
Dövlət Sərhəd Xidmətinin rəisi Elçin Quliyev və prezidentin protokol xidmətinin rəisi Elçin Bağırov;
Prezident Administrasiyasının dövlət nəzarəti şöbəsinin müdiri Eldar Nuriyev və Milli Məclisin aqrar siyasət komitəsinin sədri Eldar İbrahimov.
Hakim dairələrdə ən populyar ad olan Əli adı müxalif düşərgədə də üstün mövqedədir: Azərbaycan Xalq Cəbhəsi Partiyasının sədri Əli Kərimli, Vətəndaş və İnkişaf Partiyasının sədri Əli Əliyev, sabiq səhiyyə naziri Əli İnsanov.
Hazırda Azərbaycanda doğulan oğlan uşaqlarına verilən ən populyar adlar sırasında Əli adı ikinci yerdə gəlir (birinci yeri Yusif adı tutur). 2015-2019-cu illərdə Azərbaycanda doğulan 10629 uşağa Əli adı verilib.