“Knight Frank” daşınmaz əmlak agentliyi yeni illik hesabat yayıb. Novator.az xəbər verir ki, 2018-ci ilin ilk yarısından 2019-cü ilin ilk yarısına qədər dövrü əhatə edən hesabata əsasən, mənzilin qiymətinin ən çox yüksəldiyi ölkə Çindir: il ərzində 10,8% bahalaşma qeydə alınıb.

56 ölkənin yer aldığı siyahıda ikinci yerdə Malta (10,8%), üçüncü yerdə Çex Respublikası (9,4%) gəlir.

İlk onluqda Lüksemburq (9,3%), Meksika və Macarıstan (9,2%), Çili (9,1%), Sloveniya və Tayvan (8,4%), Portuqaliya da (7,8%) yer alır.

56 ölkədən yalnız Mərakeş, İtaliya, Finlandiya və Avstraliyanın mənzil bazarında ucuzlaşma olub. Ümumilikdə isə mənzil bazarı 3,4% bahalaşıb.

Səidə Hüseynova