2019-cu ilin yanvar-aprel aylarında Azərbaycanda doğulmuş uşaqlara qoyulan populyar adların siyahısı bəlli olub. Novator.az Ədliyyə Nazirliyinin təqdim etdiyi statistikaya əsaslanıb bildirir ki, ən çox qoyulan oğlan adları içində Yusif birincidir. Dörd ayda 573 uşağa Yusif adı verilib.

Populyar adların ilk onluğunda Əli (527 uşaq), Hüseyn (445), Uğur (437), Məhəmməd , Ömər (hər ikisi 329), Murad (313), Ayxan (294), Tunar (219) və Ümid (192) adları da yer alır.

Qız adları arasında Zəhra ilk sıradadır: 574 uşaq.

Nuray adı yanvar-aprel aylarında 401, Zeynəb adı 388, Aylin adı 363, Məryəm adı 361, Mələk adı 312, Fatimə adı 299, Dəniz adı 276, İnci adı 259, Ayan adı 244 uşağa qoyulub.