İctimai rəy üzrə ixtisaslaşan Gellap İnstitutu (ABŞ) rusiyalılar arasında sorğu keçirib. Novator.az-ın məlumatına görə, respondentlərə “İmkanınız olsa, daimi yaşayış üçün başqa ölkəyə getmək istərdinizmi” sualı verilib.

Sorğu respondentlərin 20%-nin Rusiyanı tərk etmək istədiyini üzə çıxarıb. Bunun 2007-ci ildən bəri ən yüksək göstərici olduğu vurğulanır.

2018-ci ildə rusiyalıların 17%-i ölkəni tərk etmək istədiyini bildirib.

2014-cü ildə analoji göstərici 7% olub.

Yeni sorğu göstərib ki, xaricə köçmək istəyənlərin 44%-i 15-49 yaş arası şəxslərdir.

30-45 yaş arası respondentlərin 22%-i, 46-60 yaşlı sorğu iştirakçılarının 9%-i ölkədən getməyi arzulayır.

Sorğu ölkəni tərk etmək istəyən respondentlərin 40%-nin yaşamaq üçün Avropa İttifaqı ölkələrinə getmək istədiyini göstərib. 15% Almaniyanı, 12% ABŞ-ı, 5% İspaniya, Yaponiya və Kanadanı, 4% Fransanı məskən seçmək istəyərdi.

Səidə Hüseynova