“Əli və Nino” endirim kampaniyasına başlayıb
Fevralın 1-dən “Əli və Nino” Kitab Evi endirim kampaniyasına başlayıb.
Fevralın 10-dək oxucular “Əli və Nino”nun mağazalarından bütün kitabları endirilmiş qiymətlərlə əldə edə bilərlər.
Kitabların satış qiymətlərinə 20%, 30%, 50%, 70% və 90% həddində endirimlər edilib.
Kampaniya “Əli və Nino”nun bütün filiallarına aiddir.
Təməli 2005-ci ildə qoyulmuş “Əli və Nino” şəbəkəsinin mağazalarında kitabsevərlərə 40 mindən çox klassik, müasir Azərbaycan, türk, xarici və rus ədəbiyyatının inciləri, həmçinin uşaq ədəbiyyatı, dərslik və peşə-ixtisas nəşrləri, nəfis rəssamlıq albomları və bir sıra xarici dillərdə müxtəlif kitablar təqdim olunur.
“Əli və Nino” mağazalarında evdarlıq və əyləncə mövzularında kitablar, bələdçi kitabları, dəftərxana malları, pazllar, uşaqların inkişafı üçün nəzərdə tutulmuş oyunlar, əlfəcinlər və başqa bu kimi mallar da satılır.
