“Həsrətindəyəm” kitab şəklində çap olunub
Yazıçı Firuzə Davudqızının “Həsrətindəyəm” povesti kitab şəklində çap olunub.
Novator.az xəbər verir ki, “MM-S” müəssisəsində işıq üzü görən 300 səhifəlik kitabda oxucuların əsər haqda ifadə etdiyi bəzi fikirlər də təqdim olunub.
Kitabın redaktoru və “Ön söz əvəzi”nin müəllifi Azərbaycan Jurnalistlər Birliyinin üzvü Qalib Bayramdır.
“Həsrətindəyəm”in süjet xətti zorla qaçırılan gənc bir qızın taleyi üzərində qurulub. Əsərdəki hadisələr ailə-məişət çərçivəsində cərəyan etsə də, daşıdığı ideya-məzmun yükü ümumbəşəri istəkləri, duyğuları ehtiva edir. Sevgi, qarşılıqlı anlaşma, mehriban ailə, sakit və firavan həyat arzuları əsərin qayəsini təşkil edir.
