50,8 min nikah, 12,4 min boşanma
2018-ci ildə Azərbaycan əhalisinin sayı 69 min 645 nəfər artaraq noyabrın 1-nə 9 milyon 967 min 730 nəfərə çatıb. Novator.az-ın məlumatına görə, Dövlət Statistika Komitəsi bildirir ki, əhalinin 49,9 faizi kişilər, 50,1 faizi qadınlardır.
Ədliyyə Nazirliyinin qeydiyyat şöbələri yanvar-oktyabr aylarında 116 min 365 doğulan körpə qeydə alıb.
On ayında ölkədə 48 min 186 ölüm halı, 50 min 882 nikah, 12 min 396 boşanma rəsmiləşib.
Daxili İşlər Nazirliyi və Dövlət Miqrasiya Xidmətinin müvafiq qurumlarının daimi yaşamaq üçün 2826 nəfər gələn, 1360 nəfər gedən qeydə aldığı vurğulanır.
