Dekabrın 18-də ABŞ dollarının rəsmi məzənnəsi 1,7 manat, Rusiya rublu 0,0255 manat səviyyəsində qalıb.

Mərkəzi Bank Türkiyə lirəsinin qiymətini 0,3157 manata endirib.

Bir çox valyuta isə bahalaşıb. Novator.az-ın məlumatına görə, avro 1,9292, Gürcüstan larisi 0,6379, İngiltərə funt sterlinqi 2,1461 manata yüksəlib (Məzənnələr).

2018-ci ilə 1,7001 manatla başlayan dollar martın 7-dən 1,7 manatadır. Avro ilə 2,0431, lari 0,6601, funt 2,2985, rubl 0,0297, lirə 0,4495 manatla start verib.

Dövlət Neft Fondu manatı qorumaq üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 783,3 milyon ABŞ dolları məbləğində vəsait satıb.