UEFA Çempionlar Liqasının 2018-2019 mövsümündə mübarizəni davam etdirən 16 komandadan 9-u əvvəllər bu turnirin qalibi olub. Novator.az bildirir ki, mütləq rekordçu “Real” 1955-ci ildə yaradılmış, 1991-ci ilə qədər Çempionlar kuboku adlanmış turnirdə 13 dəfə hamını üstələyib.

“Bavariya”, “Liverpul” və “Barselona”nın Çempionlar Liqasında 5 titulu var.

“Ayaks” 4, “Mançester Yunayted” 3, “Yuventus”və “Portu” 2 zəfər qazanıb.

“Borussiya” (Dortmund) 1 turnirdən qalib ayrılıb.

Çempionlar Liqası 2019-cu ilin fevral-mart aylarında 1/8 finalla davam edəcək:

“Şalke” – “Mançester Siti”

“Atletiko” – “Yuventus”

“Mançester Yunayted” – PSJ

“Tottenhem” – “Borussiya” (Dortmund)

“Lion” – “Barselona”

“Roma” – “Portu”

“Ayaks” – “Real”

“Liverpul” – “Bavariya”.