İnternatda “Kitab səhnəsi”
Bakının Türkan qəsəbəsindəki E.Mirzəyev adına Sağlamlıq İmkanları Məhdud Uşaqlar üçün 6 saylı Respublika Xüsusi İnternat Məktəbində “Kitab səhnəsi” layihəsi üzrə tədbir keçirilib.
Tədbiri “Education HUB” təşkil edib.
“İnkişaf zamanı” proqramı çərçivəsində reallaşdırılan “Kitab səhnəsi” layihəsinin əsas məqsədi məktəblilər arasında forum teatrı vasitəsilə kitab oxuma mədəniyyətini formalaşdırmaqdır.
Layihə zamanı məktəblilərə və məktəbin kitabxanasına “TEAS Press”, “Parlaq imzalar”, “Alatoran”, “İdiot” nəşriyyat evlərindən, həmçinin “KitabAl”, “TürkKitabaz”, “Kitabevim.az”, “AzərKitab” kitab mağazalarından toplanmış kitablar hədiyyə edilib.
Məktəblilərlə görüş zamanı kitabların fərdi inkişafda rolu, forum teatrının kitab oxuma mədəniyyətinin formalaşmasında tutduğu yer və digər məsələlər haqda ətraflı müzakirələr aparılıb.
