İşğalçı rejimdə istefa
- 06 İyun 2018
- comments
- Səidə Hüseynova
- Posted in ManşetXəbər
İşğalçı Dağlıq Qarabağ rejiminin “dövlət naziri” Araik Arutunyan istefaya gedir. Novator.az-ın məlumatına görə, o, iyunun 6-da işğalçı rejiminin başçısı Bako Saakyana istefa ərizəsi təqdim edib. Araik Arutunyan istefasının səbəblərini bu gün Xankəndidə keçirəcəyi mətbuat konfransında açıqlayacağını bildirib.
İyunun 1-i Xankəndidə bir qrup şəxslə “Milli Təhlükəsizlik Xidmətinin” iki əməkdaşı dalaşıb. Məişət zəminində baş verdiyi açıqlanan davada iki şəxs ağır xəsarət alaraq xəstəxanaya düşüb. Bundan sonra Xankəndidə etiraz aksiyaları keçirilib, “Milli Təhlükəsizlik Xidməti” rəhbərliyinin, o cümlədən “hökumətin” istefası tələb olunub.
Araik Arutunyan 1973-cü ildə Xankəndidə anadan olub. Azərbaycana qarşı işğalçı müharibənin iştirakçısıdır. 2007-2017-ci illərdə Dağlıq Qarabağ rejiminin “baş naziri” olub. 2017-ci ilin sentyabrın 25-dən “hökumətə” “dövlət naziri” kimi rəhbərlik edir.