Rusiyanın Əmək Nazirliyi 2017-ci ilin oktyabrına olan işsizlik rəqəmlərini açıqlayıb. Novator.az-ın məlumatına görə, 9 ayın yekununda işsizliyin ən yüksək həddi İnquşetiya (10,3%), Çeçenistan (9,2%) və Tuva (3,3%) respublikalarında qeydə alınıb.

Hesabata əsasən, oktyabrın 1-nə işsizliyin ən aşağı həddi 2014-cü ildə Ukraynadan qoparılmış Sevastopol şəhərində (0,2%) rəsmiləşib. İşsizlik səviyyəsinin aşağı olduğu bölgələr siyahısında ikinci və üçüncü yerlərdə Sankt-Peterburq (0,3%) və Moskva (0,4%) şəhərləri gəlir.

Əmək Nazirliyinin hesabatında Rusiyanın 2014-cü ildə ilhaq etdiyi Krım bölgəsi, eləcə də Leninqrad, Lipetsk və Nijeqorod vilayətləri və Xantı-Mansı Muxtar Mahalında işsizlik səviyyəsinin 0,4% təşkil etdiyi bildirilir.

Səidə Hüseynova