REAL meriyadan 400 nəfərlik yer istəyir
Respublikaçı Alternativ Hərəkatının bazasında yaradılan eyniadlı partiyanın təşəbbüs qrupu Bakı Şəhər İcra Hakimiyyətinə yeni müraciət ünvanlayıb.
Novator.az bildirir ki, müraciətdə meriyadan balansında olan, 400 nəfər üçün münasib hər hansı bir qapalı məkanı təsis qurultayı üçün ayırmaq xahiş olunur.
Təşəbbüs qrupu qurultay üçün 18-19 noyabr, 25-26 noyabr və 2-3 dekabr tarixlərində, səhər saat 8-dən axşam 7-yə qədər olan vaxtda yer ayrılmasını uyğun bilib.
Respublikaçı Alternativ Partiyasının (REAL Partiya) təşəbbüs qrupu oktyabrın 29-na təyin etdiyi təsis qurultayını yer ayrılmaması ucbatından keçirə bilməyib.
REAL Hərəkatı 2008-ci ildə yaradılıb. Qurumun lideri İlqar Məmmədov 2013-cü il fevralın 4-də, İsmayıllıda hökumət əleyhinə iğtişaşlar (23-24 yanvar 2013-cü il) təşkil etmək ittihamı ilə tutulub, 7 il azadlıqdan məhrumetmə cəzası alıb.
